Permanent link to this article: http://www.missalatina.org/about/apa-itu-tlm/
Liturgi “Forma Extraordinaria” 19 Juni 2016 (Jl. Palmerah Utara no. 1)
Die 19 iunii
Dominica V Post Pentecosten
II. Classis
INTROITUS
Exáudi, Dómine, vocem meam, qua clamávi ad te: adiútor meus esto, ne derelínquas me neque despícias me, Deus, salutáris meus. (Ps 26:7; 62:9) Dóminus illuminátio mea et salus mea, quem timébo? (Ps 26:1 ) V. Glória Patri, et Fílio, et Spirítui Sancto. R. Sicut erat in princípio, et nunc, et semper, et in saecula saeculórum. Amen Exáudi, Dómine, vocem meam, qua clamávi ad te: adiútor meus esto, ne derelínquas me neque despícias me, Deus, salutáris meus.
***
ORATIO
V. Dóminus vobíscum. R. Et cum spiritu tuo. Orémus: Deus, qui diligéntibus te bona invisibília præparásti: infúnde córdibus nostris tui amóris afféctum; ut te in ómnibus et super ómnia diligéntes, promissiónes tuas, quæ omne desidérium súperant, consequámur. Per Dominum nostrum Iesum Christum, Filium tuum: qui tecum vivit et regnat in unitate Spiritus Sancti Deus, per omnia saecula saeculorum. R. Amen.
***
LECTIO
Léctio Epístolæ beáti Petri Apóstoli. 1 Pet 3:8-15
***
GRADUALE
Protéctor noster, áspice, Deus, et réspice super servos tuos, V. Dómine, Deus virtútum, exáudi preces servórum tuórum. Allelúia, allelúia (Ps 83:10; 83:9).
Dómine, in virtúte tua lætábitur rex: et super salutáre tuum exsultábit veheménter. Allelúia. (Ps 20:1).
***
EVANGELIUM
Sequéntia ✠ sancti Evangélii secúndum Matthaeum. R. Gloria tibi, Domine!
In illo témpore: Dixit Iesus discípulis suis: Nisi abundáverit iustítia vestra plus quam scribárum et pharisæórum, non intrábitis in regnum coelórum. Audístis, quia dic tum est antíquis: Non occídes: qui autem occídent, re us erit iudício. Ego autem dico vobis: quia omnis, qu iráscitur fratri suo, reus erit iudício. Qui autem díxerit fratri suo, raca: reus erit concílio. Qui autem díxerit, fatue: reus erit gehénnæ ignis Si ergo offers munus tuum ad altáre, et ibi recordátus fúeris, quia frater tuus habet áliquid advérsum te: relínque ibi munus tuum ante altáre et vade prius reconciliári fratri tuo: et tunc véniens ófferes munus tuum (Matt 5:20-24). R. Laus tibi, Christe! S. Per Evangelica dicta, deleantur nostra delicta.
***
OFFERTORIUM
V. Dóminus vobíscum. R. Et cum spíritu tuo. Orémus: Benedícam Dóminum, qui tríbuit mihi intelléctum: providébam Deum in conspéctu meo semper: quóniam a dextris est mihi, ne commóvear (Ps 15:7 et 8.)
***
POSTCOMMUNIO
S. Dóminus vobíscum. R. Et cum spíritu tuo. Orémus: Quos coelésti, Dómine, dono satiásti: præsta, quaesumus; ut a nostris mundémur occúltis et ab hóstium liberémur insídiis. Per Dominum nostrum Iesum Christum, Filium tuum: qui tecum vivit et regnat in unitate Spiritus Sancti Deus, per omnia saecula saeculorum. R. Amen.
